O pasado venres moita xente en Pontedeume acordábase dos responsábeis no concello por mor
destas obras.
Ese día houbo moita xente que dirixíase pola N-651 ou Avenida da Coruña o centro da vila, polo que o chegar a altura da alameda coma sempre xiraban dirección a rúa da Corredoira das Virtudes para chegar así a Praza da Calzada.
Como non había indicación algunha con anterioridade que o anunciase, o chegar o comezo da Corredoira atopábanse con isto
Podedes imaxinar os atrancos que supuxo que os vehículos tivesen que dar a volta mentres seguían entrando mais e mais vehículos.
Eso si quédome co artesanal deste cartel digno de entrar na hemeroteca de sinais "made in feitas na casa".
Hoxe, é o día mundial contra a SIDA, unha enfermidade da que cando se comezou a falar dela, pensábase que só afectaba aos chamados grupos de risco, cousa que por desgraza e co paso do tempo de
mostrou que non é así, xa que pode afectar a todos, producíndose a maioría dos contagios por mor das relacións heterosexuais.
A data do día 1 de decembro como día Mundial da loita contra a sida, non é por capricho, débese a que foi precisamente un día como hoxe de 1981 cando diagnosticouse por primeira vez o VIH (virus de inmunodeficiencia humana) do que por entón non se sabía demasiado, hoxe sábese mais, mesmo fálase de vacinas que esperemos non tarden en chegar, pero en calquera caso sabemos as vías de contaxio e por tanto a maneira de previlas.
Desde 1981 o VIH matou a máis de 25 millóns de persoas en todo o mundo e que 40 millóns padecen a enfermidade, sobre todo en África, onde por desgraza os retrovirales non chegan á poboación polo seu elevado prezo e non parece ser algo que nos próximos anos vaia cambiar, por mor de que as compañías farmacéuticas teñen as patentes e non se poden fabricar xenéricos que salvarían moitas vidas.
Insisto en que evitar o contaxio da SIDA está nas nosas mans, e pasa loxicamente pola prevención, pero se chegase o caso en que houbese sospeitas, débese acudir inmediatamente ao
s especialistas, pois segundo a SEIMC (Sociedade Española de Enfermidades Infecciosas e Microbiología Clínica) con motivo da celebración hoxe do Día Mundial contra a Sida, no 38,2% dos pacientes o VIH é detectado demasiado tarde, cando xa o seu sistema inmunológico está moi debilitado, acrecentándose até o 43,3% no caso dos heterosexuais, e chegando ao 61,33 % nos maiores de 55 anos.
Recordar que non serve de nada utilizála táctica da avestruz, e dicir pechálos os ollos e mirar pra outro lado, hai que sabelo e loitar contra ela, pois cada día aparecen novos fármacos, novos estudos, e cada vez son mais os centros que investigan esta autentica pandemia do século XX.
Hai moitas imaxes que circulan na internet en protesta por este día, pero quero destacar esta que é a que mais me chama a atención.
PRIMEIRA
Tendo en conta que rematou a tempada de colocación de terrazas e que o Concello, a raiz dunha sentencia de hai case dous anos, ten indicacións que aconsellan redactar unha ordenanza que regule este asunto, ao noso Grupo interésalle saber se se pensa levar a cabo?
SEGUNDA
A respecto dos traballos de demolición na praia de Ver e, na liña dunha anterior pregunta formulada aquí mesmo polo BNG, fíxose algunha xestión desde o equipo de goberno para coñecer que tipo de ordenación se pensa levar na zona, aportar suxerencias ao respecto e manter informada á Corporación municipal?
TERCEIRA
Os Grupo políticos municipais tiveron a comezos de outubro do presente ano unha pequena presentación dos traballos do PXOM, a cargo dun técnico da Consultora Galega. Naquela reunión estableceuse un calendario aproximado no que figuraba como data de entrada por Rexistro no Concello a finais dese mesmo mes, creándose unhas espectativas ao respecto. Non sabemos se os traballos están rematados ou non.
Mais, toda vez que non se cumpriron os prazos fixados para a consulta do PXOM, previa á elevación a Pleno, interesa saber se se conta con algunha novidade e previsión ao respecto e se vai ser máis atinada que as anteriores?
CUARTA
O Convenio para a elaboración das Bases da Oferta Pública de Emprego está cada día máis claro que non foi modelo de transparencia informativa nin ningún modelo de aforro. A través dun rogo do mes de setembro pedimos información clara, concisa e concreta e non evasivas. Hoxe, malia non facilitársenos as condicións do mencionado convenio, podemos saber, por medio de datos que son de dominio público, que se achegou aos 17.000 € , que non foi feito nas áreas de Dereito Público, como debera ser, senón pola área de organización de empresas e comercialización da Facultade de Administración e dirección de empresas de Lugo. Tamén podemos comprobar que a persoa responsable do traballo non é ningún especialista en organización dunha administración pública. Dada a celeridade da entrega do traballo con relación a sinatura do convenio dubidamos da envergadura do traballo (sen parangón coa RPT, desde logo!) e do valor arriba citado. Tamén, postos a dubidar, dubidamos de que a nosa Administración non dispoña dos medios axeitados para desenvolver esta tarefa, tal e como rezan as cláusulas dos modelos de convenio coa USC. Insistimos en que o goberno faga as oportunas matizacións o antes posibel, dea a coñecer este traballo, a letra do Convenio, así como se se pagaron os importes das supostas facturas.
QUINTA
As actividades para a mocidade non se incrementan nin melloran, segundo todos os indicios. Interesa saber ao BNG se se vai facer un esforzo por pór en marcha o programa de lecer Planet Club, polo menos desde o mes de Nadal, cando os mozos/as teñen máis tempo libre.
SEXTA
Cal é a día de hoxe a situación da concesión á empresa GALILANDIA, que segue a prestar os servizos de limpeza, portería, etc. no Centro municipal de maiores e no Pavillón deportivo da Casqueira? Cando ten ou tiña que ter saído a concurso público?
SÉTIMA
Unha vez que o Goberno municipal pasou a crise e realizou o traspaso da responsabilidade de Ensino ao concelleiro de Servizos e Obras, transcorrido tamén un tempo razoábel, interesa saber se se convocou ou se vai convocar o Consello Escolar Municipal no primeiro trimestre.
Pontedeume, 25 de novembro de 2008
1. Insistimos co noso rogo de que cando se organice algún acto institucional se curse a correspondente invitación desde o Concello a Grupos e entidades sociais. Con máis motivo cando se trata dunha visita ou dun acto no que participa un cargo da Xunta de Galiza ou doutra Administración. Sucedeu xa varias veces, pero volveuse a repetir o pasado 17 deste mes, no acto da Directora Xeral de Promoción da Calidade da Vivenda, Dna. Encarna Otero. Resultado dabondo pobre para un acto de grande interese: 15 ou 16 persoas (4 do BNG, 4 do PP, algúns que outros arquitectos, e pouco máis), nin cartel anunciando nin nota de prensa...
2. Coñecemos a saturación de traballo que hai en Secretaría e tratamos de colaborar na medida das nosas posibilidades. Pero cremos necesario pedir que os Decretos de Alcaldía se poidan consultar cinco días antes do Pleno, como mínimo, para non entorpecer o noso labor.
3. O Concello ten feito concesión á empresa Galilandia do Centro Municipal de Maiores e do Pavillón da Casqueira, no que respecta á limpeza, conserxería, etc. O Concello, mentras tanto, non se desentende destas instalacións nin de vixilar a calidade dos servizos que se presta nelas. Os principios que rexen para todos os cidadáns e para a administración local deben ser respectados tamén desde a empresa, que nunca debe servir para practicar o nepotismo, para empregar a familiares e membros do partido. Iso nunca! Había satisfacción co traballo da persoa (muller e con familia) que estaba no Pavillón. Foi despedida arbitrariamente, con escusas de mal pagador; logo sabemos que é para “enchufar” a unha sobriña do concelleiro de Servizos, que xa cubrira o posto temporalmente nas vacacións. Os métodos de presión á empresa son deplorables, o desprezo que se ten polas familias é lamentable, a ética e os principios brillan pola súa ausencia. Esa é a forma de entender o poder; esa é a súa Lei!?
4. Pregamos que se limpen as beirarrúas da avda da Coruña.
5. No tellado dos Almacéns de Raxoi hai lixo por todas as partes e mesmo rodas (!).
6. Que se limpe a Fonte de xunto a parada de buses, onde hai auga estancada en estado de putrefacción, lixo dentro,...
7. Denunciamos a situación das fontes do Paseo Marítimo, que non botan auga e pedimos que se repoña.
8. Aínda que aprobamos xa hai un mes unha moción sobre a Estación de tren, nin se fixo unha mínima limpeza de de maleza e follas acumuladas, cousas que si pode acometer perfectamente o Concello. É un abandono absoluto!
9. Se se está a tempo, rogamos que se rectifiquen os proxectos para levar a electricidade ao Castelo e Breamo, facéndoos soterrados.
10. A falta de protocolo, ás veces raia o absurdo nos actos que organiza o Concello. Sen ir máis lonxe, o outro día nos actos do 25 de novembro, nos que intervén de derradeira unha Sra. de fóra do Concello – moi coñecida na casa do PP-, non o Alcalde (presente) e que, ademais “declara inaugurada a Exposición”, por certo e en plan monopolizador.
11. Rogamos que non fagan tanto o ridículo; Vdes. fixeron retroceder o uso do galego ás catacumbas, e ademais teñen un sustrato e un acento que os delata, tanto se pechan como se abren na pronuncia. Este é o respecto que teñen pola LNL e pola Ordenanza municipal; ao mellor é que hai leis de 1ª e leis de 2ª. Leis para pasarse polo forro.
12. Dada a situación de inseguridade que se xera, debido ás noticias de roubos en lugares próximos, pedimos que se constitúa ou que se poña a funcionar a Xunta Local de Seguridade.
13. Pregamos que no PEIM de Medio Rural, se teñan en conta as obras do POS que non puideron incluírse este ano e outras tamén necesarias como as dos camiños da Regueira en Andrade.
14. O Goberno inhibiuse completamente no problema das pintadas no Torreón. Non considerou preciso atallar o asunto a tempo. Agora podemos ver como aumentaron na fachada leste e como está completamente chea tamén a fachada norte de pintadas con sprai: corazóns, proclamas amorosas e doutros tipos.
15. No proxecto Modificado do Gas, pedimos que se axude na medida do posible aos veciños que se consideran afectados e precisan información para presentaren alegacións
O vindeiro martes, dez minutos da túa solidariedade salvan vidas, polo que desde S.O.S. Pontedeume ¡Denuncia! pregámosche que o martes 2 de decembro na Alameda de Raxoi entre as 10'00 -14'00 horas e xa polo serán entre as 16'00 - 21'00 horas acudas a doar sangue.
Non esquezas que 10 minutos da túa solidaridade salvan vidas,
"doa sangue, doa vida".
Para mais información tedes o número de teléfono gratuito
900 100 828.
Dende países do norte de Europa chéganos iniciativas que poden supoñer un freo ao problema da especulación inmobiliaria. Sabido é que o “boom” do ladrillo foi debido ao interese manifesto en investir en vivendas que pronto se revalorarían. Non había unha necesidade clara de construír en España tantos pisos como os construídos en Francia, Alemaña e Italia conxuntamente.
A medida, que xa está moi extendida en países como Dinamarca, Alemaña, Suecia e Holanda (neste país case a terceira parte da vivenda facilítase por esta vía), vaise poñer en práctica en Catalunya por mor da iniciativa dunha ONG chamada Sostre Cívic. SostreCívic é unha asociación sen ánimo de lucro que ten como obxectivo ofrecer propostas e solucións aplicables á nosa sociedade para facela máis xusta e respectuosa coas persoas e a contorna a través de valores aplicados a un urbanismo e un acceso á vivenda non especulativos.
Trátase dun un sistema segundo o cal a propiedade dos pisos sempre permanece en mans dunha cooperativa, na que os seus membros participan e pola que gozan dun dereito de uso indefinido da residencia, a través dun aluguer brando, explica Raül Robert, vogal da ONG. Vén ser como un aluguer infinito no tempo. Non se pode vender a vivenda, xa que logo tampouco especular con ela. Os cooperativistas poden gozar da súa residencia para sempre e transmitila en herdanza, pagando unha entrada inicial e unha achega mensual aasequible, entre 350 e 400 euros, cunha entrada inicial doutros 3.000. Os concellos participan cedendo o chan ás cooperativas para construír as vivendas de tal xeito que aqueles permanecen sempre como propietarios dos terreos. As primeiras vivendas vanse levantar en Cerdanyola e en Argentona.
Serei sincero e amosareime como o que son: un home preocupado polo futuro deste país. Teño unha empresa que atravesa momentos delicados. Como contrapartida esta está situada nuns terreos moi apetecibles para outros negocios. Ocórreseme pedir ao Concello que me aprobe unha recalificación dos terreos que me permita cambiar o negocio por outro máis produtivo. Ademais propóñolles a uns veciños que posúen terras colindantes coa miña que me vendan as súas propiedades. Tal e como esperaba estes non aceptan e ademais presionan ao alcalde do meu pobo para que non se aprobe a recalificación por min pedida, alegando que eu non teño dereito a decidir sobre as propiedades que non me pertencen, que o único que busco é quedarme coas súas leiras. Os moi inxenuos cren que vivimos nunha democracia na que todo o mundo ten o mesmo peso específico.
Non sei se son intelixente ou me movo polo instinto das aves rapaces. O caso é que eu xa tiña previsto que isto poidese suceder. Cando presentei o estudo para recalificar as miñas propiedades, tiven a xenialidade de encargarllo aos que naquel intre estaban a elaborar o Plan de Urbanismo do meu concello. O meu proxecto entraría no Concello por unha porta ou pola outra.
Se o alcalde dobregouse ás protestas dos veciños, agora non lle quedará máis remedio que asumir a recalificación como un feito consumado. Aos redactores do Plan de Urbanismo non lles importa, como cliente que son, recalificar os terreos da miña propiedade e máis as leiras dos veciños díscolos.
O seguinte paso será a expropiación. Por riba dos intereses particulares álzanse os do progreso, é dicir, os das empresas. Os veciños deben aprender que opoñerse aos poderosos homes de negocios atenta contra un sagrado dereito recollido na nosa Constitución: o libre mercado.
Nos tempos que corren un pouco de humor axuda a levar mellor a situa"Z"ión, polo que decidín compartir este vídeo que me achegaron por correo titulado "Había una vezzz un zzzzzirco".
Que o disfrutedes e si por un intre esquecedes a "ReZesión con Z de ....." ya me dou por satisfeito.
