A

A

O pasado 3 de xuño o alcalde de Pontedeume anunciaba na páxina web do PP que o PXOM chegaría ao Concello no prazo de sete días. Pero o certo é que ninguén sabe nada do proxecto urbanístico. Non é a primeira vez que dende o Concello se burlan dos cidadáns eumeses e posiblemente non será a última. Xa pasaron máis de dous anos dende que a Consellaría de Política Territorial devolveu o borrador do PXOM ao Concello de Pontedeume para facer as oportunas correccións como condición para a súa aprobación definitiva. Dende aquela innumerables veces díxose que o plan de urbanismo estaba a piques de ser rematado. En decembro pasado o concelleiro de urbanismo asegurou a Fusquenlla que só faltaba o informe favorable da Secretaria do Concello. Posteriores intervencións dos representantes do goberno local xustificaban a demora polas “sucesivas correccións” que se estaban efectuando sobre o proxecto.
Isto que o alcalde chama correccións non é outra cousa que adaptacións do plan aos intereses de promotores que procuran a urbanización de terreos que a antiga Consellaría de Política Territorial consideraba non urbanizables. O PXOM que a empresa redactora tiña que ter presentado hai 3 anos non acaba de ver a luz. As modificacións que deberían incorporarse ao borrador inicial dilátanse intencionadamente no tempo.
E a razón é conseguir un plan que recalifique moitas das propiedades que ultimamente están a mercar destacados promotores da comarca, así como os terreos nos que se asenta a empresa Einsa. Un plan de urbanismo feito á medida dos especuladores que non ten en conta as verdadeiras necesidades do concello de Pontedeume. Un plan que prioriza os intereses privados sobre o ben público.
Desatender as recomendacións da Xunta de Galiza á hora de elaborar o PXOM, adiar a presentación deste e favorecer operacións especulativas, é motivo dunha investigación dirixida polo Valedor do Pobo a instancias de Fusquenlla. Unha práctica habitual moi estendida en numerosos concellos durante os últimos anos que instituciòns independentes non dubidan en cualificar de corrupción.
O PXOM é un instrumento que ten unha finalidade moi ampla, algo que repercute sobre a meirande parte dunha poboación. É unha forma de ordenar o espazo que compartimos e no que nos vemos obrigados a vivir. Afecta pois moi directamente á nosa calidade de vida e tamén repercute sobre a economía da comunidade á que vai dirixido. Por iso os planeamentos urbanísticos deben atender ás necesidades que os núcleos de poboación padecen por mor do seu crecemento natural.
Este servizo público do PXOM é desdeñado polo alcalde eumés que opta por adaptar a normativa urbanística a fins alleos aos da comunidade, favorecendo os intereses dun sector minoritario pero con poderosas influenzas. Alterar o verdadeiro fin dun plan de urbanismo fai do Concello de Pontedeume un calco das peores  corporacións: aquelas que convertiron as súas vilas en nefastos exemplos de corrupción. Pontedeume perde a oportunidade de rachar co seu pasado caciquil e segue sendo o concello que acolle con xenerosidade a promotores-predadores, e sempre coa condescendencia de certos políticos locais.
Non caben máis escusas para xustificar o que non é máis que o secuestro dun ben común por parte dun pequeno sector propenso ao lucro fácil. Unha élite que propiciou os maiores desastres económicos neste país e que desposuíu ás vilas galegas da súa idiosincrasia. Hoxe esixímoslle con vehemencia ao goberno local que cumpra o seus compromisos coa veciñanza eumesa.

Máis información en La Opinión

O Xulgado do Contencioso da Coruña, en concreto a sala número 3, desestimou o recurso presentado contra a orde de derriba que pende sobre dous chalés situados na zona de Nogueirosa. No entanto, esta primeira decisión xudicial refírese a unha soa das dúas vivendas unifamiliares afectadas, aínda que desde o Concello de Pontedeume considérase probable que en cuestión de días podería chegar a segunda.

Esta resolución dará como resultado a demolición dun chalé construído de forma ilegal, tendo en conta que a realización da obra amparouse nun acordo da comisión de Goberno cando, e dada a localización da leira, terían que pasar polo pleno. En senllos autos xudiciais, comunidados ao Concello a principios de decembro, como se recordará, o contencioso administrativo outorgaba un prazo de tres meses á administración local para proceder á demolición das edificacións. En concreto, o límite fixado era o día 1 do pasado mes de febreiro. Só o recurso que agora foi rexeitado aprazou unha decisión xudicial que se ampara en sentenzas firmes que se remontan ao ano 2005.

Cabe apuntar, por outra banda, que un dos propietarios afectados demanda do Concello eumés unha compensación económica de 400.000 euros polo que agora parece que será inevitable, a derriba da vivenda. Diario de Ferrol

Hoxe na edición impresa de La Voz de Galicia unha vez máis o PSOE, esta vez a nivel autonómico, vólvenos a sorprender cunhas declaracións da súa secretaria de Organización a nivel galego, Mar Barcón deixándonos perlas como as seguintes referindose a situación do noso pobo:
" A moción é a única opción" , existe "tal inestabilidad" que é incompatible con un bó Goberno.
Ao parecer Mar descubreu de súpeto Pontedeume, cando a desidia e a deixadez era o día a día de Pontedeume xamáis se lle escoitou falar nin a primeira palabra de Pontedeume, pero claro gobernaban os dos seus cores.

Por outra banda como moitos de vós puidechedes leer hoxe na prensa e tamén nos canles de radio e televisión galegos, no Concello veciño de Fene, O BNG abandoaba o Goberno de Fene deixando que o PSOE goberne ata o final da lexislatura en minoría.

O Alcalde de dita localidad, Ivan Puentes facia un chamamento a calma e aproveitou tamén para facer un paralelismo co sucedido no bipartito da Xunta, sinalando que «no se puede jugar a la contra desde dentro» nin «ejercer de oposición estando en el gobierno», e sinalando que «estas estrategias dan los resultados que ya hemos visto». Aseguró, además, que todo o proceso en Fene das últimas semanas tiveron coñecemento en todo momento desde a dirección galega do PSOE desde a que contan «con todo su apoyo».

Daquela en que quedamos, señores e señoras do PSOE, pódese gobernar un pobo en minoría ou non? A única vía para sacar adiante o pobo é mediante unha moción de censura? Por qué se fai diferencias si os que gobernan son dos seus cores ou non?

Ivan Puentes, tamén declaraba que agora iba a "gobernar mellor"

Que nos aclaren dende o PSOE como se pode entender esta diferencia de pareceres. En Fene se gobernará mellor en minoría sen embargo en Pontedeume é insostenible esta situación, seguro que Mar Barcón gran coñecedora da situación política eumesa, explícanos a todos como se pode pretender gobernar con 3 grupos diferentes e un non adscrito ,co pasado que ainda por riba teñen todos eles, e lograr un proxecto de Futuro para o noso pobo.

Eiquí vos deixo o video colgado no youtube do resumo da I Feira Mondelivre 2009

Hoxe o medio de (des)información La Voz de Galicia publica unha escueta referencia sobre o aparcadoiro do instituto eumés que a pesar do seu tamaño está chea de incorreccións. Titula este diario que o IES Fraga do Eume decide hoxe se acepta a cesión do campo de fútbol como aparcadoiro. Isto é totalmente falso pois os órganos  colexiados deste centro xa se pronunciaron no seu momento en contra da cesión. Hoxe só está prevista unha reunión do Consello Escolar na que nin siquera figura na orde do día descusión algunha sobre este punto. Tamén se informa que nesta reunión vaise valorar o convenio enviado pola Xunta. Outra mentira porque a Xunta non comunicou á comunidade escolar ningunha decisión tomada referente á cesión do campo de deportes.

O que non sabemos é se as palabras de Torrente, “non queremos facer nada que vaia en contra do colexio”, adoecen do mesmo defecto que o resto dos comentarios da Voz de Galicia.

• Confeitería Obradoiro
• Bar Fubolín
• La Cubana
• Bar de Jes
• Bar Stollen y peluquería Tocy
• Bar Freixo
  
• Bar Treboada
  
• Bar Cociña
• Bar Santy
• Bar El Pescador
• Bar De Ruben
• Biblioteca municipal
• Estanco de Miguel
• Centro de Mayores
• Moda infantil Bico Vico
• Autoservicio Charo
• Supermercado de la Calzada